De Sjouwer

Van Wikipedia
Naar navigatie springen Jump to search
De Sjouwer
De Sjouwer langsn de E17

De Sjouwer es e monument in Oalbeke (dêelgemêente va Kortrik). 't Stoat ip e verôog olangsn d' E17-ottostrade, nie verre van de schreeve. 't Monument zelve es e ôoge torre van betong van apeupri 35 mèiters.

De Sjouwer es ountworpn deur den Brusselsn architect en bêeldouwer Jacques Moeschal, die ôok De Pyl, 't paviljoen van de burgerlyke bouwkunde ip Expo 58 in Brussel ad gemakt. 't Wierd ingehuldigd ip 3 oktober 1974. De Sjouwer es ebouwd ip e verôog die der gekomm'n es deurda ze in de periode 1966-1977 de E17 moestn uutgroavn uut de zwoare lêemloage tout ip de loage klytte.

De Sjouwer es ipgericht ter êere van de West-Vlamsche frontaliers of sezoensarbidders die de grenze ôovertrokkn vo in't Fransche te goan werkn. In de periode van 1930 tout 1960 giengn vele Vloamingn 't zwoar werk goan doen in 't nôorden van Vrankryk. Den ôogstn top van de Sjouwer wyst ton ôok symbolisch in de richtienge va Vrankryk.