Hendrik Pickery

Van Wikipedia
Ga naar: Begunplekkn, zoeken
Standbeeld ip de Jan Van Eyckplatse in Brugge
Familiegraf van de Pickery's ip 't Brugs kerkhof

Hendrik Pickery (Brugge, 17 september 1828 - 27 juli 1894) was e beeldhouwer en lêroare an d'Academie vo Schône Kunstn in Brugge.

Leevn[bewerkn | brontekst bewerken]

Hendrik Pickery was de zeune van bakker Albert Pickery en Barbara Dubois. De bakkerye, die êest gevestigd was an de Langereie (ip den hoek van de Klêne Nieuwstroate) en loater an den Eiermarkt (nu Café de Pick), was surtout gekend vo zyn amandelbrôod en Noeuds de Bruges of Brugse achten. Voader Pickery zag achter een ende da zyn zeune mêer g'interesseerd was in beeldn moakn of in de bakkerstiel en je mocht goan studeern an de Brugse Academie vo Schône Kunstn, die ton gevestigd was in de Poortersloge in d'Academiestroate. Je was nie allêne beeldhouwer mor êest ook schilder. Van 1850 tout 1855 giengt 'n ton noa d'Academie vo Schône Kunstn in Antwerpn. Je volgde doa de lessn beeldhouwkunde en je wierd vermeld by de beste lêerliengn. Je trouwde met de bakkersdochter Mathilde Vanneste, en z'han zes jounges, vuuf zeuns en e dochter. Hunder oudste zeune Gustaaf (1862-1921), is ook beeldhouwer gewordn.

Van 1861 tout an zyn dôod in 1894 was Hendrik Pickery lêroare an de Brugse Academie.

Werk[bewerkn | brontekst bewerken]

  • Standbeeld van Jacob van Maerlant in Damme (1860)
  • Standbeeld van Hans Memling ip de Woensdagmarkt in Brugge (1871)
  • Standbeeld van Jan Van Eyck ip de Jan Van Eyckplatse in Brugge (1878)
  • Vele beeldn ip Brugse monumentn, lik ip de Griffie ip de Burg
  • Verschillige hilligenbeeldn, vier biechtstoeln en de lambriserienge van 't kôor in de klôosterkerke van de Poaters Karmelietn in de Boeveriestroate in Brugge
  • Twi karyatides ofkomstig van Villa Doris, e dykhuus van 1879 dat ip d' Albert I Promenade in Ostende stound, mor achter de Twidde Weireldoorloge ofgebrookn is, vo plekke te moakn vor een appartementsgebouw (Mar Del Plata). De beeldn stoan nu an de voet van d'oude woatertorre an 't Maria-Hendrikapark van Ostende ('t Bosje in de volksmound).
Wikimedia Commons