Olivier Vanneste

Van Wikipedia
Ga naar: Begunplekkn, zoeken

Olivier Vanneste (Kortryk, 18 meie 1930 - Brugge, 18 september 2014) wos nen polletieker van de vroegre CVP en êre-gouverneur van West-Vloandern. Geboorn in Kortryk, moar in 1957 veruusd noa Brugge en doa gestorven.

Carrière[bewerkn | brontekst bewerken]

Achter dat ie doctor in de economische weetnschappen gekoomn es in 1967 es't ie buutngeweun ôogleroare gekoomn an de KULeuven. Loater es't ie boas van de West-Vlamsche Economischen Road (WER) en studiebureau (WES) gewist voa 22 joar.

Moar j'is vôorol gekend ols gouverneur van West-Vloandern, dat ie gekoomn es ip 28 september 1979, achter de korte periode van Leo Vanackere. Êen van de in et ôog springende zaken binst dat ie gouverneur was, was de rampe mè de Herald of Free Enterprise. Ie eit er nen titel van de Iengelse keunienginne vôorn gekreegn: de Knight Commander of the British empire, voe de maniere woarip dat ie de reddingsactie geleid eit.

In 1997 is't ie gestopt ols gouverneur, en es't ie bestierder van de KBC en de KUL geworden.

Pryzn[bewerkn | brontekst bewerken]

In 2001 eit ie den titel van barong gekreegn.

Varia[bewerkn | brontekst bewerken]

In zyn joenge jooren eit ie tôpe mè Guido Declercq een boek geschreevn, Structurele werkloosheid, die zelfs toe in een verslag van de Verênigde Noaties es gerakt.